Turmush — Кант шаарында жол асфальттоо иштери жүрүүдө. Бул тууралуу шаардык мэриянын басма сөз кызматы билдирди.
Маалым болгондой, учурда Ворошилов көчөсүнүн 500 метр аралыгын асфальттоо иштери жүрүүдө. Аталган көчөдө борбордук футбол стадиону, №5 кесиптик билим берүү лицейи, Балдар жана өспүрүмдөр спорттук мектеби жайгашкан.
Кант шаарынын мэри Улан Майлибашев жол асфальттоо иштери менен жеринен таанышып, жол жасоочуларга иштин сапатына өзгөчө көңүл буруу талабын койду.
Ошондой эле, Кант шаарында имараттарды кеңейтүү маселесин чечүү, жолдорго жакын аймактарды жашылдандыруу, шаардын эстетикалык көрүнүшүн бузган ар кандай тосмолорду демонтаждоо процессин улантуу иштери жүрүп жатат.
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
